ГРОДЗЕНСКІ ТЭАТР ТЫЗЕНГАЎЗА – оперна-балетная трупа падскабія надворнага ВКЛ А.Тызенгаўза. Існаваў у 1769-1780 гг. Да 1774-га г. невялікі ансамбль інструменталістаў і вакалістаў, пазней сталы калектыў (у 1780-м г. больш за 70 чалавек) са значным оперным і балетным рэпертуарам.

У 1774 г. у ім найбольш было італьянскіх артыстаў. 3 1779-га г. ў пастаноўках бралі актыўны ўдзел навучэнцы Гродзенскай музычна-тэатральнай школы Тызенгаўза, прыгонныя танцоры, спевакі і інструменталісты. Паказы розных опер і балетаў суправаджала Гродзенская капэла Тызенгаўза. Пасля закрыцця тэатра балетная група была пераведзеная ў Паставы.