ГОРЫД Язэп Міхайлавіч (1896 – 1939) – мастак. Вучыўся ў Віленскім універсітэце і ў Парыжы.

Вядучы мастак сатырычнага заходнебеларускага часопіса «Маланка». Часта прысвячаў карыкатуры супраць рэжыму Пілсудскага, розных праяў нацыянальна-сацыяльнага ўціску беларусаў. Аформіў кнігі Максіма Багдановіча «Вянок», М.Васілька «Шум баравы», М.Танка «Журавінавы цвет», Р.Шырмы «Беларускія народныя песні», а таксама розныя падручнікі. Намаляваў шэраг гравюр для «Беларускага календара на 1927 год», літаграфічныя партрэты Янкі Купалы і Якуба Коласа, пейзажы і інш.