Антаноўскі Мікола (Мікалай Дзмітрыевіч) нарадзіўся ў 1952 г. у в.Сташаны Пінскага раёна. Пасля заканчэння мясцовай дзесяцігодкі служыў у войску, закончыў факультэт журналістыкі Белдзяржуніверсітэта. Працаваў у ганцавіцкай і браслаўскай раённых газетах, з 1984 г. — галоўны рэдактар пружанскай газеты «Раённыя будні». Літаратурная дзейнасць непасрэдным чынам звязана з Ганцаўшчынай. Тут малады літсупрацоўнік раённай газеты, якую на той час рэдагаваў знакаміты
Васіль Праскураў, апублікаваў свае першыя вершы, тут набіраўся творчага вопыту ў старэйшых таварышаў па пяру.
Аўтар паэтычных зборнікаў
«Святаяннік» і «Падсочаны бор», кнігі нарысаў «Зялёная рапсодыя», за якую адзначаны знакам Беларускага Саюза журналістаў «Залатое пяро».